د پاکستان اېکسپرېس ترېبیون ورځپاڼې په یوه راپور کې ادعا کړې، چې د افغانستان اسلامي امارت له پاکستاني چارواکو سره پر ډېورنډ فرضي کرښه د اغزن تاز له غځولو سره تواق کړی دی.
دغه ورځپاڼې ویلي، دا هوکړه د طالبانو له لوري د افغانستان ختیځ ننګرهار ولایت کې له اغزن تار شلولو وروسته شوې ده.
دغه ورځپاڼې ادعا کړې، چې تر دغه پېښې وروسته د طالبانو د دفاع وزیر مولوي محمد یعقوب مجاهد خپله سیمې ته ورغلی وو.
د سرچینې په وینا ښاغلي یعقوب مجاهد ځايي طالب چارواکو ته امر کړی، چې له دا ډول پارونکو اقداماتو څخه نوره ډډه وکړي.
په راپور کې دا هم ویل شوی، چې طالب چارواکو پاکستان ته د ننګرهار د استخباراتو د رييس ډاکټر بشیر له لوري د اغزن سيم شلول د هغه شخصي اقدام ګڼلی او په راتلونکي کې يې د داسې اقدام د نه ترسره کېدو ډاډ ورکړی.
پاکستاني ورځپاڼې نه دي ويلي، چې د پاکستاني چارواکو او طالبانو نوې هوکړه څه ډول ده او د دواړو لوريو کومو چارواکو کړې ده؟
د یادونې ده، نيږدې يوه اونۍ مخکې په ننګرهار کې د طالبانو د استخباراتو رييس ډاکټر بشیر په لعلپورې ولسوالۍ کې د پاکستان له لوري پر ډيورنډ کرښې د لګول شوي اغزن سيم د شلولو او پاکستاني لوري ته د ګواښونو ویډیو خپره کړه.
وروسته د دوی لوی درستیز او په ننګرهار کې سیمه ییز چارواکي هم لعلپورې ته لاړل او ان د پاکستان پر وړاندې یې د خپلو ځواکونو د تیارسئ خبر ورکړ.
اسلامي امارت د ایکسپریس ټريبيون د تازه راپور په اړه غبرګون نه دی ښودلی.
URL تعقيب: https://www.ansarpress.com/pashto/25171
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني